महाकुलुङ गाउँपालिकामा रहेको एभरेष्ट बैंकका कर्मचारीबाटै सेवाग्राहीको खाता असुरक्षित

खातावालालाई थाहै नदिई सेयर कारोबार गरेको खुलासा

  अजय अलङकार रोतेम्बु

सोलुखुम्बु जिल्लाको महाकुलुङ गाउँपालिकामा शाखा कार्यालयका रुपमा सञ्चालनमा आएको एभरेष्ट बैंक, महाकुलुङ शाखाका कर्मचारीले सेवाग्राहीलाई थाहै नदिई सेवाग्राहिको खाता प्रयोग गरेर सेयर कारोबार गरेको पाईएको छ । कार्यालयका कर्मचारीले लामो समय देखि उक्त बैंकमा खाता रहेका स्थानिय सेवाग्राहीको नामबाट सेयर कारोबार गर्दै आएको पाईएको हो ।


केहि समय अघि महाकुलुङ गाउँपालिका वडा नं ५ निवासी झलक कुलुङ राईको एभरेष्ट बैंक महाकुलुङ साखाको खाता नम्बरमा ५ हजार जम्मा भयो । खातावाला कुलुङ कहाँबाट जम्मा भयो भनेर आफै अचम्म परे । उनले सम्झे पहिले जम्मा गरेको पैसाको म्यासेज अहिले आई रहेको रहेछ । पुन. केहि दिन पछि उनको खाताबाट ५ हजार काटियो । जुन बेला पनि उनी अचम्ममा परे । गाउँमा सामान्य खेतीपाति गरेर बसेका उनी केहि वास्ता गरेनन् । तर केहि दिन अघि झलक कुलुङको मोवाईल नं. मा एककासी ब्रोकर नम्बर आयो । उक्त ब्रोकर नम्बर आएको केहि समयमा एभरेष्ट बैंक महाकुलुङ साखाका एक कर्मचारीले फोन गर्छन ।

तपाईको नम्बरमा केहि म्यासेज आयो ? फरवार्ड गर्नुसन कस्तो आयो ? गाउँमा सामान्य लेखपढ गरेका कुलुङले उक्त म्यासेज फरवार्ड गरिदिए । म्यासेज थियो सेयर किन्बेच गर्न मिल्ने ब्रोकर खाता । उक्त म्यासेज फरवार्ड गरेको केहि दिन पछि अर्थात जुलाई ३० (शुक्रबार, साउन १५,२०७८) का दिन झलक कुलुङको खाता नम्बरमा एक्कासी २२ हजार ८ सय ६० रुपैया जम्मा भयो । खातावाल कुलुङ तीनछक्क परे कहाँबाट यत्रो पैसा जम्मा भयो भनेर । लगत्तै अगष्ट २ अर्थात साउन १८ गतेका दिन उनको खातामा रहेको रकम मध्ये १७ हजार ६ सय ५० रुपैया कटौती गरेको म्यासेज आयो । अनि बल्ल थाहा हुन्छकी, महाकुलुङ साखामा कार्यरत कर्मचारीलेनै आफ्नो खाता प्रयोग गरीरहेका रहेछन् भनेर । पैसा कस्ले कटाएका रहेछन यो म्यासेज हेर्नुहोस ।

त्यसपछि सेवाग्राहि कुलुङ बैंकको सम्पर्कमा जाँदा बैंकमा कार्यरत कर्मचारीले अहिले सम्म आफुले चलाएको र आगामी दिनमा तपाई आफै चलाउनुस भनेर आफुलाई सम्झाउने प्रयास गरेको खातावाला झलक कुलुङले बताउनु भयो । कटौती भएको १७ हजार ६ सय ५० रुपैया भने बैंकमा कार्यरत कर्मचारीले ५० कित्ता सेयर बेचेका रहेछन् । लामो समयदेखि एभरेष्ट बैंक महाकुलुङ साखाको सेवा प्रवाहमा अत्याधिक गुनासो आई रहेको वेला कार्यालयको कर्मचारीबाटै यो हर्कत हुनुले कार्यालय प्रतिको विश्वासमा थप संका पैदा भएको छ । किनकी झलक कुलुङ एक प्रतिनिधि पात्र मात्रै हुन् । जो सँग मोवाईल बैंकिङ थियो । तर अन्य मोबाईल बैंकिङ प्रयोग नगरेका सर्वसाधारणको खाता नम्बर कतिको प्रयोग गरि रहेका छन् भन्ने संकाको सुविधा भने तपाई हामी जो सुकैलाई रहेको सहजै अनुमान लगाउन सकिन्छ ।

  • सेवा ग्राहिको गुनासो
    केहि समय अघि महाकुलुङ ४ निवासी सुवास कुलुङले आफ्नो डिम्याट खाता खोल्नका लागि बैंकका कर्मचारी सँग भनाभननै गर्नु परेको गुनासो गर्नु भयो । डिम्याट खाता खोल्नका लागि बैंकका कर्मचारीले आफ्नो बाबुको सम्पत्तिनै दिन लागेझै गरेको र बाल बचत खाता खोल्नका लागि आवश्यक प्रक्रियाबारे जानकारी लिँदा आफुलाई सीस्टम नै थाहा नभएको बताएका थिए ।
  • महाकुलुङ गाउँपालिका वडा नं. ४ निवासी विपीन कुुलुङले आफ्नो बुबाको डिम्याट खाताको लागि फम भरेको ४ महिना विती सक्दा पनि अझै नदिएको गुनासो गर्नुभयो । केहि दिन अघि बैंकको सम्पर्कमा जाँदा डिम्याट अकाउन्टको चाप डेढ दुई सय ओटा रहेकोले दशै पछि मात्रै हुने जवाफ दिएको बताउनु भयो । तर उता हेड अफीस लाजिम्पाटले भने एक हप्ता भित्रै जो सुकैको डिम्याट खाता खोलि सकिने बताएको छ ।
  • महाकुलुङ ४ निवासी मोतीराम रसाईली गाउँपालिकाको केन्द्र गई रहने ब्यक्ती हुन् । उनले बाबाको नाममा खाता र डिम्याट खाता खोल्नु थियो । केके कागजात चाहिन्छ भनेर साधेका थिए । तर कार्यलयको जवाफ थियो पहिले बुवालाई लिएर आउनुसन । उहाँले भन्नु भयोे, बाबालाई लिएरैत आउने हो । केके कागजात चाहिन्छ ? ठाडो र तुच्छ शैलीको जवाफ थियो “ बुबाको नाममा किर्ते गर्न खोजेको ?
  • जोकराज कुलुङले अप्रिल २ मा आम सर्वसाधारण सेवाग्राहीको साझा गुनासोलाई प्रतिनिधित्व गर्दै हाकीम साप शिर्षकमा सामाजिक सञ्जाल फेसबुकमा यस्तो लेखेका छन् ।

५. सामाजिक सञ्जाल फेसबुकमा फोनिबु दिनेश कुलुङ नाम रहेका साथी ठोकुवाको साथ भन्छु यो खराव नियत नै हो भन्दै यस्तो लेख्नु हुन्छ ।


७. जोकराज कुलुङको कमेन्ट बक्समा टाईफुन प्रदिप नाम गरेका ब्यक्ती चेक दिन समेत आनाकानी गरेको भन्दै यसरी गुनासो गरेका छन ।


८. त्यस्तै जोकराज कुलुङकै कमेन्ट बक्समा पि.डि कुलुङ नाम गरेको साथीले यसरी लेख्नु भएको छ ।

तपाईको प्रतिक्रिया

सम्बन्धित समाचार